كامل الوزير: الطرق بين المحافظات وداخلها تحتاج ٢٥٧ مليار جنيه
كشف كامل الوزير، وزير النقل، أن الطرق بين المحافظات وداخل المحافظات تحتاج إلى ٢٥٧ مليار جنيه، قائلا: "الطرق داخل المحافظات تحتاج اعتمادات مالية ١٢٠ مليار جنيه، والطرق بين المحافظات تحتاج ١٣٧ مليار جنيه".
وقال موجها حديثه للنواب: "كلكم مصريين وعارفين إن الدولة ما تقدرش توفر الرقم دا في سنة واحدة".
وأضاف "الوزير" في كلمته خلال اجتماع لجنة النقل والمواصلات بالبرلمان، برئاسة النائب هشام عبد الواحد، أن الوزارة أسست ١٤ كوبري على النيل في سنتين فقط، متابعا : "منذ بدء الخليقة، إتعمل ٢٦ كوبري معدني على نهر النيل".
وبشأن المزلقانات، قال الوزير في حديثه للنواب: " اللي شايف عنده مزلقان قانوني، وما اتعملش معاه كوبري مشاه، يبعتلي وهننسق مع رئيس المنطقة فورا"، مؤكدا أنه سينتهي من كوبري كلبشا هذا العام، وقال : " الكوبري دا شغال من ٢٠٠٩، مش هبدأ في حاجة جديدة، إلا لما اعمله، ولو ما عملتوش السنة دي أبقي وزير فاشل".
