ما تبصليش بعين رضية.. شوف اللي مدفوع فيا!!
انا تعبت أوي علي ما وصلت لمنصبي الفريسكاوي.. اعدت في الشمس.. ورميت نفسي في المية المالحة.. واستحملت نص وشوش إسكندرية الكالحة.. وزعت زيت وسكر وبطاطس ولوبيا ام عين سودا.
ده انا حتى اتنازلت عن أعز ما تملكه الفريسكا وهو قرمشتها.. وبقيت شبه البسكوتة النية اللي مالهاش طعم وفكرت كمان اربي ذقني واحلق شنبي في الفترة القادمة.. كل ده عشان اقدر اكون علي رأس الحكم الفريسكاوي واتحكم في مدينة البط واسرقها من عم بطوط وأعوانه - ايوة دي الحقيقة - وبعد كل ده جايين تجمعوا شوية لب وسوداني وعايزين تحطوهم مكاني؟؟!!
وقال عاملين حملة ضدي ومسمينها حملة " افرسني وجمبك فاضي ".. انا لا أقبل بهذا.. ثم انا جيت بطريقة ديمقراطية ولا يمكن امشي ابدا حتي لو لميتوا توقيعات مصر كلها علي ورق بردي كمان.. ما تبصوليش بعين رضية.. شوفوا الجماعة دافعة كام فيا !!
