"تمرد" تحذر من عدم المشاركة في مظاهرات 30 يونيو
قالت حركة تمرد، على صفحتها بموقع "فيس بوك"، اليوم السبت،:"مــاتنـــزلش يـــوم 30\6.. بس إوعى تشتكى بعد كده لما تلاقى مصر اتقسمت واتباعت عشان حلم وهمى اسمه الخلافة الاسلامية اللى محدش من دول العالم هيسمح بيه.. إوعى تشتكى بعد كده من زيادة الأسعار ومرتبك واقف محلك سر.. إوعى تشكى من البلطجية اللى بيثبتوك ويسرقوك.. إوعى تشتكى من الكهربا والمياه اللى بيتقطعوا على طول".
وتابعت:"إوعى تشتكى إن مافيش بنزين ولا سولار، إوعى تشتكى لما تلاقى شرطة وجيش بلدك اقصوهم وحل مكانهم حرس ثورى وميلشيات ماتعرفش أي تفاهم أو قانون.. أو تشتكى إن بنتك بتخرج الشارع بيتحرشوا بيها.. إوعى تشتكى من أكوام الزبالة في الشوارع.. إوعى تشتكى إنهم شالوك من وظيفتك وجابوا واحد إخوانى أقل منك خبرة وحطوه مكانك.. إوعى تشتكى من أن القانون بقى يطبق على ناس وناس لا.. خليك أخرس وماشى جنب الحيط لحد ما الحيط هتتهد عليك.. المجموعة اللى عملت تمرد شالت كفنها على إيديها عشان مصر ومن البداية عارفين نهايتنا وحياتنا مش كتير على مصر".
