العسيلي يعتذر: أنا آسف ومن غير الجمهور صفر على الشمال
اعتذر الفنان محمود العسيلي عن إحراجه لشاب خلال إحدي الحفلات التي أحياها مؤخرًا، عبر صفحته الشخصية على موقع الصور الشهير "إنستجرام".
وكتب العسيلي: «أي فنان عارف أنه من غير جمهوره هو ولا حاجة وصفر على الشمال، وإن من تواضع لله رفعه، باعتذر بشدة لكل الناس اللي اتضايقت من الفيديو اللي انتشر، وباعترف أني كنت غير موفق تماما في اختيار الألفاظ لكن الصورة والله ناقصة وكان كل نيتي عدم تمييز حد عن حد أثناء الحفلة انا اسف مرة تانية».
العسيلي يحرج شابا: معاك واسطة أو جامد جدا أنت عشان تتصور معايا؟ (فيديو)
وقال: «النقطة التانية أن حاولت أقول للشخص اللي انا كنت باكلمه أن ماينفعش نتصور عشان الناس دي كلها لازم تتصور تلات مرات برا الميك لكن هو كان لحوح جدا ومصمم وكان صوته عالي جدا وبيزعق وانا مش عارف اغني فلأسف قلتله كدا بحسن نية وللأسف كل الكلام دا مش باين في الفيديو».
وكان العسيلي أثار حالة من الغضب عبر مواقع التواصل الاجتماعي بعد إحراجه لمعجب أراد التقاط صورة تذكارية معه في إحدى حفلاته، فردّ عليه قائلًا: «حضرتك معاك واسطة أو حاجة جامد جدًا مثلًا.. يعني أنت اللي بتحبني وكل الناس دي بتكرهني.. لو اتصورت مع حضرتك لازم اتصور مع كل الناس دي» وهو الأمر الذي أغضب الكثيرين منه.
