"الحق في الدواء" يحذر من خطر تداول "الليرولين" في الصيدليات

حذر الدكتور محمود فؤاد، المدير التنفيذي للمركز المصري لحماية الحق في الدواء، من تداول دواء "الليرولين"، المخصص لالتهاب الأعصاب السكري ونوبات الصرع عبر الصيدليات بدون روشتة الطبيب، مؤكدًا أنه يسبب الإدمان، وهو خطر مُنع تداوله من عدد كبير من الدول آخرها دول الخليج.

وكتب الدكتور محمود فؤاد تدوينة على فيس بوك قال فيها: "#خطر.. لماذا تسمح مصر بالإدمان.. آه ده حقيقي من سنوات الترامادول اكتشفوا أنه مخصص لعلاج شيء. بس بينفع المدمنين فهاصت شركات معروفة وحققت ثروات باهظة ومحدش سأل المبيعات دي كلها مين بياخدها ومين بيستهلكها؟".

وقال: "النهارده في (الليرولين) بجميع تركيزاته والأسماء التجارية. ده مخصص لالتهاب الأعصاب السكري ونوبات الصرع. تخيلوا آخر ٣ شهور بس مبيعاته تعدت (٣٦٨ مليون جنيه) بيتباع من غير روشته (للمدمنين) وكلنا عارفين والوزارة عارفة والصيادلة عارفين والشركات عارفة. بس العالم كله اكتشف خطورته وحظر بيعه تماما إلا بروشتة آخر دول كان الخليج كلها!"

الأمن يصادر ترامادول بـ10 ملايين جنيه قبل ترويجها بالقاهرة والجيزة (فيديو)

وتساءل مدير الحق في الدواء: "يعني إيه شركة أو شركات تبيع بالمبالغ دي. في باركود وفي طرق كتيرة تقدر تعرف الدواء بيتوزع إزاي والثروات دي مصدرها إيه.. بقى عندنا مصيبتين الترامادول والليرولين، والنتيجة ثروات حرام وشباب ضايع وأقسام علاج إدمان مكتظة والدولة بتعالج.. أنا قدمت للجنة الصحة مذكرة بخريطة توزيع الدواء يا جماعة في مصيبة بتحصل لازم الدولة كلها تواجهها وتحاسب الشركات دي".