عايزين الكاس

عدينا الكونغو وزيمبابوي
وبعتنا أوغندا للسنغال..
..
وجنوب أفريقيا بتسأل ليه
الحظ حدفنا ع الأبطال..
..
اجهز بشمالك يا تريزيجيه
يا صلاح مروان خليه ع البال..
..
عبدالله سعيد لكن لسة
بأداؤه الحلو ما أسعدناش..
..
ووردة كمان عاوز حصة
والناس بيقولوا النني ماجاش.. 
..
عايزين تكتبوا أجمل قصة
وادعوا بالصحة لابو الأجناش..
..
مش بس وراك فيه شناوي
ده بعون الله عندنا بطلين..
..
وحجازي ويا علاء ناوي
وبيدافعوا كمان بالروح والعين..
..
ويا أيمن انده ع الحاوي
وقولوا شنطة إجوانك فين..
..
نيجيريا داخلة على الكاميرون
وعنيها علينا مراقبانا..
..
فيا حامد خدلك كنكة بُنْ
ويا دونجا صحصح ويانا..
..
ويا باهر جماهيرك بتظن
إن احمد اخوك ومش قلقانة..
..
نرجع ونقول يالا يا كوكا
ده ماعادش كلام تاني يتقال..
..
ويا ونش الأرواح مشبوكة
بين كامل وجابر وغزال..
..
يا أحمد منصور فرَّح أبوك
عاوزين الكاس باديكو ينشال..
..
عدينا الكونغو وزيمبابوي
وحدفنا أوغندا على السنغال..