وليد منصور: تامر حسني تخطى إيرادات عبد الحليم حافظ
عبر المنتج ومنظم الحفلات الشهير وليد منصور عن سعادته الكبيرة للنجاحات التي حققها فيلم "البدلة"، والذي تجاوزت إيرداته الــ150 مليون جنيه، وهو الرقم الأعلى في تاريخ إيرادات السينما المصرية.
وكتب وليد منصور عبر حسابه الشخصي بموقع التواصل الاجتماعي "فيس بوك": "من أهم المحطات اللي حصلت في حياتي في مجال الإنتاج السنيمائي فيلم البدلة علشان، بالفيلم ده قدرنا نوصل بفيلم مصري لرقم مصري عربي أول من نوعه لم يحدث من قبل علشان الفيلم يحقق أعلى إيراد في تاريخ السينما المصرية والعربية ويتخطى ١٥٠ مليون جنيه".
وأضاف منصور: "حاجه عظيمة لما أعرف إن تامر الفنان الوحيد اللي حقق أرقام العندليب الأسمر عبد الحليم حافظ وتخطاها ربنا يكرمنا ونقدر نكسر الرقم ده أنا وتامر تاني وتالت مش علشان تامر نجم كبير بس عشان هو إنسان طيب وبيحب صحابه بجد وبيحبلهم الخير وطبعًا بجد بيمتلك شعبية رهيبة داخل مصر وخارجها".
وتابع: "ربنا يكرمك يا تامر أنا صديقك آه بس طول عمري فخور بيك ومن محبينك ومش هنسى وقفتك معايا وربنا يباركلنا في قرفتنا الجميلة الحلوة مع بعض وبالتوفيق يارب في فيلمك المقبل".
ووجه وليد منصور في آخر تدوينته الشكر لفريق عمل فيلم البدلة ومن بينهم مؤلف العمل أيمن بهجت قمر والمخرج ماندو العدل والفنان اكرم حسني وماجد المصري وأمينة خليل ومحمود البزاوي ودلال عبدالعزيز.
