أبو بثينة يكتب قصيدة زجلية في المسألة الكحكية

الشاعر الزجال محمد عبد المنعم الشهير بـ"أبو بثينة"، كتب قصيدة زجلية في المسألة الكحكية عن مآسى الحياة الزوجية بسبب كعك العيد في مجلة البعكوكة عام 1950 يقول فيها :
يوم الخميس قبل السحور بشوية..قامت خناقة بين نبيهة وجوزها
خش التقاها مكشرة وملوية..شافت خياله دوغرى مطت بوذها
ميل على الكرسى القديم وتمدد..وقال كفى الله الشر ليه زعلانة
قالت ليه ماخرصشى حتى واعدد..والطم كمان على قسمتى الندمانة
كل الحريم في بيوتها متهنية..وانا اللى من دون الحريم متعوسة
قال فهمينى يا ولية المسألة..قالت له وحياتك لاموت مفروسة
قال كحك ايه واحنا العيال عريانة..والعيش بالحبة والغموس بالعافية
ليه تفخر ونبات بطونا جعانة..دا يبقى تغفيل والحمار بلا قافية