فرج عامر: الحكم رفع شعار وقت بدل ضائع حتى يفوز الأهلي
تحدث محمد فرج عامر رئيس مجلس إدارة نادي سموحة عن هدف جيرالدو لاعب الأهلي في الدقيقة الأخيرة من مباراة الفريق، قائلا "أحمد صبحي لاعب الفريق احتاج أقل من دقيقة عندما سقط على أرض الملعب ولم يتخط الأمر أكثر من دقيقة".
وقال "فرج" في تصريحات تليفزيونية: "الحكم رفع اللائحة بدل ما يقول الوقت كان يقول لحد ما الأهلي يجيب هدف، ده رأي الناس مش رأيي أنا بس، اللى بيحصل ده في الرياضة مش مظبوط".
واستكمل تصريحاته "لن أتخذ أي خطوات، لو عملت المستحيل مفيش حاجة هتحصل، دي مش أول ولا آخر مرة، مش لازم أجيب حكم أجنبي علشان ألعب كويس، بابني فريق وألعب كورة وأدفع كمان فلوس بالدولار علشان أجيب حكام أجانب ليه؟".
وأضاف "لازم يكون في عدالة رياضية، إحنا زي الشغالة في مملكة النحل، جزء من سيناريو بيتنفذ".
