شيرين عبد الوهاب باكية: «مكنتش أقصد مصر وبعد كده هحترم نفسي» (فيديو)
أكدت الفنانة شيرين عبد الوهاب، أنها لا تدافع عن نفسها بسبب قرار منعها من الغناء، مشيرة إلى أنها حزينة بسبب تواجد قنوات غير مصرية يظهر عليها إعلاميون يتحدثون على عدم تواجد حريات في مصر.
وتابعت: «أنا في مصر وأتحدث من بيتي ولم يلحق بي أذى، أنا كنت أقصد من كلامي وحديثي في مختلف لقاءاتي وحفلاتي كان ممكن يحبسني، وأنا لو هزرت في حفلة في بلدي الكلام بيتغير وبطلع في الآخر غلطانة».
وأضافت خلال مداخلة هاتفية ببرنامج «الحكاية» المذاع عبر فضائية «إم بي سي مصر»: «في حد متربص بشيرين وعايز يشوه صورتي»، مؤكدة أنها كانت متواجدة في حفلة في البحرين، وقالت لجمهورها إنها تتحدث بحرية، لأن الكلام بهذه الطريقة في مصر يؤدي للحبس.
واستطردت باكية: «أنا كنت غلط.. بس والله مكنتش أقصد مصر، وبتأسف لكل إنسان زعلان مني، وبعد كده هحترم نفسي ومش هتكلم، والنقابة اللي مفروض تحميني مدفعتش عني».
