الشاعر محمد إبراهيم لـ «محمد صلاح»: بلاش تبقى سبب حزن الناس
انتقد الشاعر الشاب محمد إبراهيم، محمد صلاح، لاعب نادي ليفربول، والمنتخب المصري، بعد نشره صورة على حسابه الرسمي على موقع التواصل الاجتماعي «فيس بوك»، والذي ظهر فيها مبتسمًا، عقب حادث قطار محطة مصر.
وقال «إبراهيم»، تعليقا على صورة صلاح: «قريت جملة قريب بتقول: الناس تنسى حتى خبر وفاتك حين توجعهم أسنانهم.. بس مراعاة مشاعر الناس ومشاركتهم أحزانهم واجب عليك يا محمد لأن الناس كلها هنا بتتمنالك الخير وواقفة وراك ومفيش قهوة أو مكان في البلد حرفيا مفيهوش صورتك».
وأضاف إبراهيم: «مفيش في الشارع طفل حتى ميعرفكش.. بلاش تيجي منك إنت عشان إنت مصدر بهجة لناس كتير بلاش تبقي سبب حزنهم الأيام دي بالذات.. زمان في الأرياف اللي أنا وأنت منها واتربينا فيها لما كان حد من جيرانا أو قرايبنا بيموت.. كنا بنقعد لحد الأربعين من غير ما نفتح التليفزيون أو نضحك بصوت عالي عشان منجرحش مشاعر حد.. النبي عليه الصلاة والسلام قال: "من أراد واعظًا فالموت يكفيه".. لو مكانش للموت رهبة هيبقي لينا قيمة وتمن إزاي؟!».
