أسامة كمال لـ«اتحاد الكرة»: هل فيه شرط المستثمر الأجنبي ياخد الدوري (فيديو)
انتقد الإعلامي أسامة كمال، اتحاد الكرة المصري، بسبب الأزمة الأخيرة المتعلقة بمباراة نادي الأهلي وبيراميدز، قائلًا: "لما إحنا قبلنا الاستثمار الأجنبي في الكورة هو كان شرط المستثمر إنه لازم ياخد الدوري؟".
وأضاف خلال برنامج "مساء دي إم سي": "مش هاخوض في خناقة الأهلي واتحاد الكورة اللى النهاردة خاطب الأندية بالتأكيد على عدم مخالفة إجراءات التراخيص الممنوحة لهم كشرط لتجديدها، لأنه بموجبها يتم الترخيص بالمشاركة في بطولات الأندية الأفريقية، لكن سؤال للاتحاد، هل في هدف من استبدال ماتش في الدوري بماتش كأس بين نفس الناديين؟ هتفرق إيه؟ هل ينفع وإحنا بنجمع كل جهدنا عشان بطولة أمم أفريقيا إننا نعمل مشكلة من لا شيء؟ طب لو فعلا الأهلي انسحب بسبب التعنت ده وواضح إن اللعب بقى ع المكشوف قوى".
واستطرد: "هيستفيد إيه اتحاد الكرة من استبعاد الأهلي من بطولات أفريقيا؟ هل عشان نادي تانى يدخل؟ تانى بسأل لما قبلنا الاستثمار الأجنبي في الكورة، هل كان مشروطا ببطولة.. محتاجين رد؟ ولا لأ مش مهم الرد؟".
