د. هناء طلب تكتب: خليها تفرح

كتير من أصدقاء الصفحة بعتوا يسألوني عن رأيي في حملة "خليها تعنس".. وحابين اكتب رد على صفحاتي على مواقع التواصل الاجتماعي، الحقيقة أنا مش معها قلبا وقالبا.. وردي بمنتهى البساطة إنه الأساس هو التعمير، وفكرة الحملة دي مخالفة لقدرة الخالق سبحانه في الكون.. لأن ربنا خلقنا من أجل التعمير والإعمار.. يبقى الواجب علينا نمشي في نفس الطريق اللي ربنا أمرنا به، وبدل ما نسوق لأفكار تدعو للتواكل والكسل فكر ازاي تشتغل وتعف نفسك وتعف أختك وبنتك.. لأن أي بنت في المجتمع هي أخت وابنة لراجل زيك.. وانت كمان محتاج تكوِّن أسرة لبناء وتعمير مجتمعك.. شد حيلك واشتغل وابني نفسك أخلاقيا قبل ماليا.. وتعود نفسك على تحمل المسئولية وصدقني وقتها هاتتقبل.. انت عارف الأب ليه بيثقل عليك ويقولك هات وهات، واكتب قايمة وكذا وكذا وكذا؟! لأنه مش بيحس منك إنك قد المسئولية فبيحاول يطمن نفسه بالطلبات دي.. لكن لو اطمن ها يتعاون معاك..
#خليك_اد_المسئولية
#خلينا_نعمر
و#خليها_تفرح
#تربي
#تصون_بيتها_وجوزها