بيرم التونسي يكتب: عتاب لمين

حول سوء أحوال العمال والفلاحين في العهد الملكي بعد قيام ثورة 1919 كتب الشاعر الزجال محمود بيرم التونسى "رحل في 5 يناير 1961" قصيدة بعنوان "عتاب" نشرها في مجلة "المسلة" التي كان يرأس تحريرها في ديسمبر 1919 قال فيها:
ليه أمشى حافى..وأنا منبت مراكبكم
ليه فرشى عريان..وأنا منجد مراتبكم
ليه بيتى خربان..وأنا نجار دواليبكم
هي كده قسمتى..الله يحاسبكم
ساكنين علالى العتب..وأنا اللى بانيها
فارشين مفارش قصب..ناسج حواشيها
يا رب ماهواش عتب..لكن بعاتبكم
من الصباح للمسا..والمطرقة في أيدي
صابر على دى الأسى...حتى نهار عيدى
ابن السبيل اتكسى..واسحب هرابيدى
تى تتعروا من مشيتى..واخجل اخاطبكم
ليه تهدمونى وأنا..اللى عزكم بانى
أنا اللى فوق جسمك.. قطنى وكتانى
عيلتى في يوم دفنتى..مالقيتش أكفانى
حتى الأسية وأنا راحل وسايبكم