نوارة نجم بعد خلع الحجاب: «علشان تهاجموا واحدة أذيتوا ملايين المحجبات»
أكدت الناشطة نوارة نجم، ابنة شاعر العامية الراحل أحمد فؤاد نجم، إنها خلعت الحجاب منذ نحو عام، مؤكدة أن المهاجمين أضروا في هجومهم عليها عددا من المحجبات، وبأنها حرة تفعل ما تشاء، وذلك تعليقًا على منتقديها بعد خلعها للحجاب.
وكتبت نوارة نجم تغريدة على تويتر قالت فيها: "ما كنتش هرد بس هاضطر أرد دفاعا عن المحجبات مش عن شخصي.. أنا قالعة الحجاب من أكتر من سنة وكنت متوقعة حفلة لما الموضوع يتعرف بس الحقيقة توقعت يتقال كافرة أو متآمرة على الإسلام ما توقعتش أبدا إن يتقال فلوس التمويل نضفتها وقلعت الحجاب.. هو الحجاب...؟".
وأضافت: "المعتاد إن لما واحدة ست تطل براسها في المجتمع ده بيتم التعدي عليها بأساليب رخيصة لها علاقة بانتهاك شخصها وكل واحدة فينا عارفة كده.. لكن عشان تهاجموا واحدة معاها أذيتوا ملايين المحجبات واللي منهم أمهاتكم وإخواتكم ومراتاتكم وبناتكم لما ربطوا بين الثراء وخلع الحجاب".
وتابعت: "وانتوا طبعا ما بتفهموش عبارة (أنا حرة) عشان أنتم نفسكم مش أحرار.. من جواكم انتم مش أحرار.. وأنا مش مهتمة أفهمكم.. مهتمة أعرفكم بس قد إيه أنتم مثيرين للشفقة".
وقالت: "عمر ما حد علق على واحد كان بدقن وحلقها أو العكس أو كان بجلابية وغيرها أو حتى كان متدين وألحد.. عمر ما حد علق على شكل راجل أو جسمه.. حق انتهاك الستات واقتحامهم ده انتوا جايبينه من أنهى.. والستات اللي بتظيط معاكم دول وضعهم إيه؟".
