عمرو أديب عن أزمة صلاح بمركز شباب نجريج: «الموظفين جرالهم إيه»
أعرب الإعلامي عمرو أديب عن استيائه من البيروقراطية في مصر، بعد تجميد عضوية محمد صلاح في مركز شباب نجريج، معلقًا: "الناس بتتمنى له الرضا يرضى، وبعدين يجي مركز شباب علشان 7 جنيهات يوقف عضوية العالمي اللى بياخد 200 ألف جنيه إسترليني في الأسبوع، دا يشتري المركز بالمدينة كلها.. هما الموظفين جرالهم إيه في مصر؟".
وتابع أنه بدلًا من إعطاء صلاح العضوية الشرفية أو إطلاق اسمه على مركز شباب نجريج، يتم إيقاف عضويته ومنعه من الانتخابات في المركز، معقبًا بسخرية: "أكيد الألم اللى عند صلاح كبير علشان مش هيعرف يصوت في نجريج"، لافتًا إلى أن نجم ليفربول في كوكب اَخر، ومرشح حاليًا لنيل جائزة هيئة الإذاعة البريطانية "بي بي سي" كأفضل لاعب أفريقي لعام 2018.
