أول تعليق لتامر حسني بعد تخطي إيرادات فيلم البدلة ٦٠ مليون جنيه
عبر النجم تامر حسني عن سعادته البالغة بتخطي إيرادات فيلم البدلة ٦٠ مليون جنيه، وتحقيقه أعلى رقم في تاريخ السينما المصرية.
وكتب "تامر" عبر صفحته الشخصية على "فيس بوك" قائلًا: "مساء الورد على أغلى ناس، في الحقيقه مش بحب أتكلم عن أرقام إيرادات أفلامي بس سامحوني المره دي مضطر أتكلم وبتكلم وأنا فرحان من كل قلبي".
وأضاف "تامر": "النهارده فيلم البدلة حقق رقم استثنائي أول مرة يحصل، حقق أعلى رقم في تاريخ السينما المصرية والعربية داخل مصر وخارجها فكان لازم أفرح ونفرح مع بعض وكان لازم التاريخ يشهد على التحقيق ده عشان كان حلم من أحلامي لأني في الأصل مطرب، وكانت أمنيتي أحقق ده في السينما ومش فكرة إيراد قد ما هو إجماع شعبي جماهيري على الذهاب للفيلم والإشادة به وثانيًا لأنه فكرتي".
وتابع: "وطبعًا ده نجاح كل فريق العمل المحترم، والروح الجميلة الطيبة اللي كانت بينا هي السبب في ده وفرحتي الثانية لأن السنة دي ألبوم عيش بشوقك حقق أعلى مبيعات.. الحمد لله الحمد لله الحمد لله، أما عن فرحة عمري الكبيرة بالنسبة ليا إن ٢٠١٨ السنة اللي شفت فيها ابني (آدم)، ربنا يحفظه ويجعله ظهر وسند لإخواته ويحميكم ويسعدكم أنتم وإخواتكم وأولادكم وآبائكم شكرًا".
