ريهام سعيد تكشف أسباب تخليها عن النقد في برنامجها (فيديو)
قالت الإعلامية ريهام سعيد: «ناس كتير بتقابلنى في الشارع وبتقولى، العيش والملح ليه مبقتيش بتهاجمى، وبتقولى أن إحنا محتاجين ده وده، هقوللكوا إيه السبب، وهو أننى أقتنعت بحاجة وهى أن السنين اللى فاتت قبل الثورة كنتوا بتقولوا أهي ماشية ومقضية.. أه بس كنا عايشين على السلف».
وأضافت خلال برنامج «صبايا» المذاع على فضائية «الحياة»: «أنا ممكن أعيش وأركب عربية كويسة أوى، وألبس ملابس حلوة وألبس حلق ودبلة ويبقى كله فلصوه، والعربية والبيت إيجار وكان يبقى باين أنى عايشة كويس.. هو ده كان حال مصر قبل الثورة».
وأوضحت: «إحنا كنا عايشين كويس أوى قبل الثورة ولكن عايشين على السلف وعندنا ديون كتير جدا، ومخدرات كتير داخلة البلد ومشكلات عمالة تكبر.. ولكن دلوقتى فتحنا الجرح علشان نعالجه من جذوره، والجرح هياخد وقت علشان يخف ولكن هتبقى مبسوط وبصحة جيدة».
