مي حلمي: «فرحة الفستان الأبيض راجعة»
نشرت الإعلامية مي حلمي، عبر حسابها الخاص على موقع الصور "إنستجرام"، فيديو جديدا وهي مرتدية فستان حفل زفافها الذي تم إلغاؤه منذ عدة أيام، وذلك استكمالا للرد على تأجيله.
وكتبت مي: «مش عايزة أتكلم في أي حاجة غير عن وجع كسرة الفرحة، ولا إعلام ولا ميديا ولا دنيا ولا مين شمتان ولا مين فرحان مش فارقلي.. كلنا بندور على الفرقعة على السبق إلي يضرب بس لو هتكلم عن نفسي عمري ما هعمل كدة وقت غياب فرحة حد ومش أي فرحة دي فرحة العمر زي ما بيقولو.. إزاي؟ إزاي قدرتو تعملو كده لكل الناس وأولهم القريبين.. إزاي قدرتو تقولو كلام غلط وحكايات ماحصلتش إزاي سبتو فرحتنا على جمب طيب هقولكم».
وأضافت: «عارفين يعني إيه بعد ما ألبس فستاني أقلعه؟ بعد ما خلاص خطوة واحدة من ٤ سنين مستنياه، تبوظ بسبب الناس إلي نقلت كلام غلط مش هقول الميديا.. الميديا طول عمرها كدة وقبل ما شتغلها وأنا عارفة إنها كدة نتكلم عن الناس الطبيعية.. إزاي قدرتو تشمتو وتفرحو في وجع غيركم، وإلي يدعي وإلي يضحك وإلي يقول أحسن فهموني إنتو بني آدمين؟ بتخافو ربنا؟ طيب حتى لو نفرض وده فرضا إن حد من الطرفين غلطان، ليه الدعا عليه والحسبنة ليه، أصله مش زرار هتقوم من النوم تدوس عليه فهتنسى العشرة والسنين وتقعد تدعي وتهين لا لا أبدا مهما حصل بتلاقي نفسك مش طايق كلمة وحشة على الطرف التاني ونفس الكلام للطرف الآخر».
وتابعت مي: "«بعد الهيصة مابيفضلش غير الحلو وبيبان الوحش بس كل إلي عايزة أقولو الشدة بتبين... في الآخر حبيت اخرج كلام جوايا من إلى شوفته اليومين إلى فاتو ووالله والله ما فارق معايا غير فرحتنا انا وهو مش انا بس إلى اتكسرت فستاني إلى قلعته بدلته إلى اتقلعت ومحدش فاهم حاجه أهالينا إلى زعلانين علينا، ماكنتش ناوية اتكلم بس كلام جوايا وكنت عاوزة أقوله محدش بيرضى في عشرة عمره لو عامل فيه إيه مابيرضالوش الوحش ولا دعوة واحدة بالغلط عشان ماحدش كان عارف إيه إلي حصل».
واستطردت: "معظم الناس أنا كنت هناك أنا كنت حاضر أنا كنت شاهد.. كنت دعيت ربنا يهدي الدنيا ويجمعهم في الحلال بدل ما كنت حكيت إلى سمعته مش إلى شوفته.. إحساس صعب فرحة عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا، فرحة فستان #بتاعت_الراديو راجعة راجعة إن شاء الله، هنحكي كل حاجة وهنقول كل حاجة بس في الوقت إلي إحنا عايزينه، مش إلى الناس عاوزاه.. نصيحة من قلبي لكل اتنين متجوزين عايزين يسيبو بعض، لكل اتنين مخطوبين، لكل اتنين بيحبو بعض "الحب ما بيتبعش"، ولو ضيعتوه والله ما بيجي تاني امسكو فيه مهما حصل، أكيد هنطلع ونتكلم بس إدونا شوية فرصتنا مع بعض بعيد عن الأضواء وعاوزة دعوة حلوة لينا أرجوكم».
