أول تعليق لـ«مي حلمي» بعد تعرضها لأزمة صحية بسبب إلغاء حفل زفافها
في أول تعليق لها عقب تعرضها لوعكة صحية بعد إلغاء حفل زفافها على المطرب محمد رشاد، نفت الإعلامية مي حلمي تعرضها لجلطة، مؤكدة أن ما حدث لها مجرد ضغط نفسي وانسداد في الشعب الهوائية.
وكتبت مي عبر صفحتها الشخصية على موقع الصور الشهير "إنستجرام": «شكرًا لكل الناس اللي بتحبنا والزملاء اللي اتطمنت عليا.. قبل أي كلام أنا مجاليش جلطة والحمد لله مجرد ضغط نفسي وانسداد في الشعب الهوائية بقالي كام يوم وده وارد أكيد بسبب اللي حصل وده وارد بين أي طرفين وحياتنا الخاصة تخصنا لوحدنا واحنا قادرين نحلها بكافة الطرق لأنها حياتنا احنا.. وكشخصيات عامة محدش له يدخل ويتكلم ويقول ضريبة الشهرة لا حياتنا الخاصة مش للشهرة».
وأضافت: «مش هطلب منكم غير الكلمة الطيبة ويا ريت نتعلم من الأمثال اللي ليها حكمة العروسة للعريس والجري للمتاعيس وفي الآخر كل اللي داخل خارج.. البصلة وقشرتها عمركوا شوفتوا بصلة من غير قشر؟.. مش هينبكم غير اللي قال كلمة وحشة هتقعد له وهيبقالنا الحلو كله».
يذكر أنه كان من المفترض أن يقام حفل زفاف محمد رشاد ومي حلمي بأحد الفنادق الشهيرة بمنطقة الأهرام منذ يومين، لكن وقع خلاف بين العروسين ليتم إلغاء الحفل قبل إقامته بساعتين.
