قرارات محافظ الجيزة في التعديلات المرورية.. «جه يكحلها عماها» (صور)

فاجأ اللواء أحمد راشد، محافظ الجيزة، أهالي منطقة الرماية وهضبة الأهرام، باتخاذ بعض الإجراءات بشأن تعديلات مرورية بطريق الفيوم الصحراوي، بدافع مواجهة الاختناقات المرورية والحد من حوادث السير، لكن لم يعلم راشد أن هذه التعديلات الجديدة جعلت الأمر أكثر سوءا، ليطبق بذلك المثل الشعبي المعروف: "جه يكحلها عماها".

وتعاونت محافظة الجيزة مع الإدارة العامة لمرور الجيزة في إغلاق الفتحات المرورية العشوائية بالجزيرة الوسطى بطريق الفيوم الصحراوي للقادم من ميدان الرماية واستحداث 2 "يوتيرن" جديد، وأوضح اللواء أحمد راشد، محافظ الجيزة، أن الفتحات التي تم إغلاقها كانت تسبب اختناقات مرورية كبيرة بالمحاور المرورية المحيطة بها وبالأخص مناطق الرماية وحدائق الأهرام ومدخل مدينة 6 أكتوبر.

ولم تفلح خطة محافظ الجيزة في حل الأزمة المرورية بل زادت من أزمة سكان منطقة الرماية وحدائق الأهرام، فيقول إبراهيم بسيوني: "إزاي يتعمل يوتيرن قبل ميدان الرماية، ما شاء الله ع التخطيط والرؤية وهو ميدان الرماية ناقص خنقة للقادم إلى الهضبة وطريق الفيوم عشان نزود عليه يوتيرن للي راجع وناكل منه جاره في البطيء هي الناس دي اللي بيفكرلها سباكين، ده بدل ما يحلوا المشكلة من جذورها ويشوفلها طريق بديل دخول وخروج لساكني الهضبة بعيدا عن ميدان الرماية أساسا".

وتقول منى نواز: "يعني اللي خارج من عمارات الرماية والأتوبيسات وخلافه يمشي للبوابة الثالثة علشان يوصل لميدان الرماية، يعني أولا ضغط على الملف، ثانيا طول المسافة يعني وقت أطول واستهلاك بنزين أكتر، كمان عاملينه من ناحية ميدان الرماية اللي مش ناقص زحمة علشان أعمل ملف فيه وأزود كميات العربيات فيه خاصة المنطقه اللي قدام نادي الرماية".

واستنكرت شذا حسن التعديلات المرورية الجديدة قائلة: "ده كده غير مدروس عشوائي ولا يطابق المواصفات! لما أول يوتيرن الواحد يقدر يلف منه يبقى بعد البوابة التالتة لحدائق الأهرام ده طبيعي، أصلا هي الحوادث كلها بتحصل عند اليوتيرن ده، فكثفوا العربيات كلها عنده"، مضيفة: "أصلا اليوتيرنز اللي قبل بوابات الحدائق هي اللي بتخف الضغط عن بقية الطريق يعني الزحمة لحد عند مساكن الرماية كده وبعدها أول ما بنبدأ بوابات حدائق الأهرام الزحمة بتقل، أقوم بدل ما أزبطهم وأعمل يوتيرن مناسب عند كل مدخل ومخرج أو بوابة رئيسية أقوم أكثف الضغط كله على يوتيرن واحد".