«ياسمين غيث» توجه رسالة لإليسا بعد إعلانها إصابتها بسرطان الثدي

وجهت الفنانة ياسمين غيث رسالة للنجمة إليسا، بعد إعلانها عن إصابتها بسرطان الثدي وتعافيها منه.

وكتبت ياسمين عبر حسابها على موقع "إنستجرام": "على قد ما بزعل لما بعرف بإصابة حد بالمرض ده، وببدأ أفتكر الوجع والألم البدني والنفسي اللي الشخص ده بيعدي بيه، على قد ما بفرح لما بيكون حد ليه تأثير على الناس، ومعروف، يطلع يقول بكل فخر من غير ما يتكسف أو يخاف، إنه كان عنده المرض ده، طول عمري بحب صوت إليسا، وليها أغاني حلوة قوي، بس الأغنية دي بالإحساس والمشاهد اللي فيها دي حاجة تانية خالص".

وتابعت: "أنا مش عارفة في كام حد طلع بكل شجاعة في الوطن العربي يتكلم عن الإصابة بالسرطان من غير كسوف، بس أنا بكل بساطة فخورة إنني واحدة منهم، ولكل اللي بيقولولي كفاية كلام عن مرضك وقصتك، مش هبطل مش عشاني أنا بس، علشان كل اللى بيحبوني".

وكانت إليسا فاجأت الجميع بإعلان معاناتها مع سرطان الثدي، من خلال كليبها الجديد "إلى كل اللي بيحبوني" وتعافيها منه، ومن المعروف أن ياسمين غيث أيضًا خاضت تجربة مع مرض سرطان الثدي.