زوجة الحضري: قرار الاعتزال الدولي صعب على السد العالي
أكدت صابرين زوجة عصام الحضري حارس مرمى الإسماعيلي، أن قرار الاعتزال الدولي صعب عليه جدا.
وقالت زوجة الحضرى عبر حسابها الشخصى على موقع التواصل الإجتماعى "فيس بوك": "أنا عارفة المنتخب بالنسبة للحضري، وعارفة أنت تعبت عشانه قد إيه بس كفاية تاريخك وإنجازاتك والألقاب اللي جبتها لمصر كفايه إنك قدوة لكل الجيل اللي جاي واللي عاصر تاريخك ومصر كلها عارفة أن المنتخب يعنى الحضري يعنى اسمك محفور في تاريخ مصر والمنتخب، عارفة أن المنتخب هيوحشك والرقص فوق العارضة هيوحشك وهتاف جمهورك (ارقص يا حضري) هيوحشك".
وتابعت: أنت أسطورة مش سهل تتكرر في تاريخ المنتخب أنت فخر ليا ولولادك ولمصر كلها ربنا يكرمك في اللي جاي على قد تعبك يا حضري يا سد مصر يا عالي.
