ناشط يكشف سر سيارات محمد رمضان: مستعملة من الإسكندرية

كشف إسلام الدمرداش، أحد نشطاء "فيس بوك"، سر اقتناء الفنان محمد رمضان لسياراته الفاخرة "لامبورجيني أفنتادور ورولز رويس جوست وفيراراي"، زاعمًا أن سياراته اشتراها مستعملة من أحد الأشخاص الذين كانوا يقتنون سيارات كثيرة بالإسكندرية ويدعى ميشيل، الذي يفضل عدم الحديث عن سياراته الكثيرة التي يملكها.

وكتب إسلام الدمرداش تدوينة على فيس بوك قال فيها: "أنا بس مشكلتي مع الفنان محمد رمضان في حاجة، أن الكام عربية اللي هو بيستعرض علينا بيهم دول شاريهم مستعملين من واحد برنس في نفسه كده عندنا في الإسكندرية اسمه ميشيل".

وأضاف: "ميشيل حد تقريبًا عنده قد دوول ٥ مرات حاجات أحدث من كده بكتير، يمكن باعهوملك علشان هو راجل بيركب الأحدث دايمًا، بس اللي انت ماتعرفهوش أن وأنا في إعدادي يعني من ١٥ سنة، كنت باخد درس جنب ڤيلا عم ميشيل الله يمسيه بالخير في سابا باشا على الترام وكان عنده Lamborghini Gallardo وFerrari Super America مركونين في الشارع قدام جراچه اللى كل مصر عارفاه".

وتابع إسلام: "وحاجات تانية كتير ما وعاش عليها الفترة دي علشان كنت بلعب بيهم لما بأجر ساعة في السايبر Need For Speed قبل اختراع النت وقبل ما يدخل البيوت ونشوف معاليك انت واللي شبهك، والراجل ولا عمره قال أنا ملك ولا نزل حتى صور ليه جنب عربياته والناس هي اللي بتصوره في الشارع بالصدفة وهو معدي".

يذكر أن محمد رمضان انتهى من تصوير أغنيته الأخيرة "أنا الملك"، وبثها على قناته مؤخرًا، وكان رمضان أدي أغنية سابقة بعنوان "نمبر وان"، وانتهي من تصوير فيلم "الديزل" الذي يعرض في عيد الأضحى.