طريقة التأكد من سلامة زجاجة المياه البلاستيكية.. لا تنخدع بالرقم 5

يعتمد مستخدمو زجاجات البلاستيك أو منتجات البلاستيك للمأكولات والمشروبات على مشاهدة الرقم 5 على المنتج الذي يشترونه، لكن فتاة استطاعت كشف طريقة خداع الشركات للعملاء بوضع الرقم 5 مع ثلاثة أحرف ستغير وجهة نظرك في كون الزجاجة مناسبة لصحتك.

وفقا لما تداوله مستخدمو موقع التواصل الاجتماعى "فيس بوك" كتبت إحدى الفتيات: "إمبارح قررت بقي أعيش حياة صحية فقولت لنفسى أشترى إزازة مياه صحية يا بت يا شوشو روحت أشترى إزازة صحية من البلاستك الصحى اللى مكتوب عليه "5" جوه المثلت وأنا بشترى لفت نظرى أن سعر إزازة بلاستيك صحى 15 جنيه... اللى هو يعنى مبقاش في حاجة بالسعر ده فالوقت الحالى أصلا ده كيلو الكوسه بـ12 جنيه المهم لاقيت مكتوب جنب المثلث اللى مكتوب جواه 5 تلت حروف "PET"، ولأنى خريجة علوم كيمياء وميكروبيولوجى اللهم لك الحمد كنت عارفة إن ده اختصار مركب اسمه polyethylene terphthalate.

وأضافت "قلت اروح افتكر المعلومة ومش هشترى دلوقت روحت بيتى فتحت كشكولى اتفاجأت بالآتى:-
-PET 'polyethylene terphthalate' is the main content of plastic "1". 
-non reusable because cleaning detergent may leaching out chemicals inside water. 
الكلام ده معناه بمنتهى البساطة أن نوع البلاستيك ده غير صالح للاستخدام أكثر من مرة واحدة فقط لأن البلاستيك ضعيف جدا وصابون التنظيف اللى بنستخدمه فالبيت بيخلى البلاستيك كيماويات تتحرر منه لداخل المياه يعنى بيخلى الزجاجة تتآكل من الداخل أو تتحلل داخل مياه الشرب.

يعنى بمنتهى البساطة الإزازة كانت مغشوشة مكتوب عليها بلاستيك 5 ومكتوب جنبها المادة المستخدمة في بلاستيك 1، وطبعا لأن المعلومة اللى بتوصل للمستهلك أن بلاستيك 5 هو الصحى فمحدش هيبص على الأحرف المكتوبة جنب المثلث المكتوب فيه الرقم.

وأشارت للحل قائلة: طيب الإزازة الصحية السليمة هيكون مادة تكوينها إيه؟ هيكون بولى بروبلين يعنى المثلث هيكون مكتوب فيه رقم 5 والحروف اللى جنب المثلث PP".