أبو بثينة: مفيش فلوس تطلع برة

في مجلة المصور عام 1953، كتب الزجال محمد عبد المنعم، الشهير بأبو بثينة، قصيدة زجلية حول ظاهرة خروج المصريين للاصطياف بالخارج قال فيها :
ياصيف زباينك فين ولوا...فين اختفوا ومالهم قلوا
ياهالترا صاموا وصلوا...ولا اختفوا والدنيا نهار
فين سوسو،فين شوشو ونوسة...ولولو فين فين ننوسة
دا طقم كان دايما ساعى...لبلاد أوروبا بدون داعى
يخرج فلوسه بالقطاعى...جملتها في الاخر مليار
بلطيم مابتجيش على كيفهم...ولا بورسعيد بتكيفهم
وإسكندرية بتفرقهم...وجو مصر عليهم نار
دلوقتى قاعدين ليه معانا...واستحملوا الجو بتاعنا
وازاى تساعهم وتساعنا...قويسنا أو كفر الدوار
مفيش فلوس،لأ فيه بالكوم...والمانجة ماتتقلبش بدوم
ولا الصينيبر اصبح توم...والموز كمان ماقلبش خيار
لكن شعار مصر الحرة...مفيش فلوس تطلع برة
ولاجنس تهريب بالمرة...الله ينصر دين دا شعار
يبقى السفر ولا له لزمة...معقول ولا يسبب أزمة
واللى بيمشى بميت رزمة...يعقل بقى ويصرف بعيار