منتجات فاسدة وخدمة سيئة.. تعدد شكاوى العملاء من «Unionaire» (صور)
دشّن رواد مواقع التواصل الاجتماعي "فيس بوك" و"تويتر" حملة ضارية ضد شركة يونيون آير "Unionaire" وأعربوا عن استيائهم من سوء منتجات الشركة وقِصر عمرها وتلفها بعد وقت قصير من شرائها.
وانتشر في الآونة الأخيرة على مواقع التواصل الاجتماعي عدة شكاوى من قبل عملاء "يونيون آير" ونشر العديد منهم صورا لبعض المنتجات الذين اشتروها من الشركة بعد تلفها بعد مدة قصيرة من شراءها، وكانت ردود أفعال رواد مواقع التواصل الاجتماعي كالتالي:
وعود كاذبة
"روى محمد الكاتب" مشكلته مع منتجات يونيون آير "Unionaire " قائلا: "مشكلتي مع شركة يونيون آير من سنة ولم يتم حل المشكلة وخدمه عملاء سيئة للغاية ووعود كاذبه بالحل دون أي تنفيذ".
خدمة عملاء سيئة
وأوضح "الكاتب" قائلا: "اشتريت تكييف ارتيفاي السنة اللي فاتت وظهر عيب وهو أن الريموت بيبعت الإشارة والتكييف لا يستجيب، والشركة كاتبة إن لو العيب تكرر مرتين أول سنة يتم تغيير الجهاز، والشركة غيرتلي الرسيفر بتاع التكييف والكارته ٣ مرات والريموت مرة يعني 4 مرات يظهر العيب ومتغيرش الجهاز وما زال العيب مستمرا للمرة الخامسة والشركة في وادي تاني وكله تسويف ومفيش حل وأكلمهم ميردوش لحد السنة ما عدت وحاليا الوضع كما هو والعيب ما زال مستمرا".
وأضافت "جيهان": "حسبنا الله ونعم الوكيل في دي شركة.. زجاج البوتاجاز فرقع مرتين ولحد النهاردة ماجوش ركبوه".
شاشة الثلاجة
وعلقت "إسراء سامي" لتسرد هي الأخرى معاناتها مع شركة "يونيون آير" قائلة: "اشتريت ثلاجة من يونيون آير Unionaire وشغلتها لقيت الشاشة بتاعتها بايظة ولا بتعلي ولا بتوطي، واتصلت بالشركة ومهندس الصيانة جالي وقال هيجيب شاشة غيرها وجاب شاشة وبرضو مشتغلتش لما بص جوا التلاجة اكتشف إن السلوك بتاعتها مقطوعه واتصل بالشركة وبلغهم وقالولو هيخدوها يصلحوها وطبعا مش راضيين يغيروها، ودا ميرضيش ربنا، وياريت محدش يشتري حاجه من الشركة دي حرام يدفع فيها الفلوس".
التكييفات
علّق أحد عملاء يونيون آير "Unionaire " قائلا: "عندي تكييف يونيون إير وبعد سنتين أو تلاتة الوحدة الداخلية اتكسرت من الداخل لوحدها وبدأت تصدر صوت مزعج جدا".
وقالت مواطنة أخرى: "التكييف الوحيد اللى ركبته يونيون إير في السخنة لا بيبرد ولا ليه أي شغلانة وعملوله صيانة ومفيش فايدة".
احتراق وحدات سكنية
ومن ضمن كوارث الشركة، أكدت مريم قائلة: "هي أرواح الناس لعبة بسبب Unionaire احترقت شقة إبني الكبير وأتأثرت شقق الولاد التانيين من الحريق حتى واجهة العمارة احترقت وكنت حلاقي ولادي محروقين، والله دايما أقول قد يأتيك البلاء على هيئة تكييف unionaire".
ونشر أحد عملاء "يونيون آير" صورا لانفجار شقته بسبب التكييف الذي أدى إلى تفحم الشقة بالكامل، وكتب قائلا: "بنتي كانت نايمة في الأوضة لوحدها عمرها سنتين ونصف وفجأه مامتها راحت تطمن عليها تلحق البنت على آخر نفس وبعد خروجها من الأوضه التكييف ضرب وخسرني شقتي اللي كلفتني 700 ألف جنيه".
