أمهات مصر عن حصة السعادة: «استوردوا مدرسين من خارج مصر»
أثار مقترح الإعلامية جيهان منصور، الخاص بوجود حصة للسعادة، في المدارس المصرية جدلا واسعا وسط أولياء الأمور بين مؤيد ومعارض.
وأجرت عبير أحمد مؤسس اتحاد أمهات مصر للنهوض بالتعليم، استطلاع رأي بين أولياء الأمور على صفحة الاتحاد الرسمية في فيس بوك، لمعرفة آرائهم في المقترح، حيث لقي معارضة عدد كبير منهم، بينما رحب آخرون بالمقترح.
وتفاعل أولياء الأمور الرافضين للاستطلاع، وقالت إحدى الأمهات: "لو خففوا المناهج وضبطوا العلاقة بين المعلم والطالب واهتموا بالأنشطة، كل ذلك أفيد من حصة سعادة"، وأضاف آخر: "فاقد الشيء لا يعطيه، الحصة دي يستوردوا لها مدرس من خارج مصر".
وأضافت أخرى: " المدرسون أصلا عندهم اكتئاب، وعايزين حصة للرحمة علشان نتعلم إزاي نرحم بعض"، وتابعت أخرى : "أنا من رأيى إنهم يعملوا امتحان كل شهر ويوم النتيجة يكرموا الأولاد ويشجعوهم على النشاط المدرسى، بيتهيقلى دى هتكون أكتر سعادة، إنما اللى هيا بتقول عليه حصه للسعاده دا كلام فارغ وتضييع وقت"، واستكملت أخرى : " بس المدرسين يبطلوا يقرفوا العيال وهما يبقوا سعداء"، وأخري: "محتاجين حصة للضمير والنظافة والمرور، عايزين نطلع جيل محترم علشان يحقق لنفسه السعادة"، وأضافت أخرى : " المدرس لو سعيد ونفسيته كويسة هيأثر على الأولاد ويسعدهم".
بينما رحب عدد آخر من أولياء الأمور بالمقترح، منها: " ياريت، اهو يبقي العيال ليهم نفسية قوية يواجهوا بيها الحياة"، وتابعت أخرى : "والله فكرة حلوة جدا، زمان كانوا بيعملولنا يوم رياضي واحنا صغيرين، وكان يوم بنحلف بيه وبنتبسط اوي".
