أصالة تنعى مي سكاف بكلمات مؤثرة: «خلقتي حرة والحر ما بيموت»
نشرت المطربة السورية أصالة مقطع فيديو لمواطنتها الفنانة الراحلة مي سكاف التي رحلت أمس في العاصمة الفرنسية باريس، وذلك عبر حسابها على موقع الصور "إنستجرام".
وعلقت "أصالة" على الفيديو ناعية "مي" بكلمات مؤثرة: "معقول كمّ القسوة الّلي صارت بقلوب أهلنا وصحابنا وجيراننا وحبايبنا، معقول كلمة حريّة شو جرحت شعور ناس كلّ أحلامها تبقى على قولة أخي أنس ( تحت الصرمايه).
تابعت أصالة: "الحريّة مطلب طبيعي وإنساني وكلّنا لازم نتمسّك فيها، الحرّ الّلي مابيبيع شرفه ولا كرامته ومابينذلّ وبيركع إلّا لله، ميّ اسكاف بتمثّل الشرف وبتمثّل الكرامة وبتمثّل الشموخ، والله رحمها وخلاص راحت لعند الّلي خلقنا أحرار".
أضافت أصالة: "وبعدين شو قصّة هالجحود والوحشيّه عند الّلي ماكانوا بيملكوا غير المحبّه والطيبة والتعايش والتسامح، كلّ هاد راح؟!! الله يلعن كلّ قاسي وحقير وقليل الأدب، ولدنا أحرار كلنا ونيّال الّلي مات وهوه مؤمن إنّه حتّى محبتنا ل الله بدها قلب حرّ، الإيمان حرية والحب حرية ونيّال مي الّلي ماتت حرّه، ولتعرفوا مي شو بتفرق عن غيرها قارنوها بغيرها، نحن بنعرف حتّى حالنا بالمقارنه... خلقتي حرّه وروحك تبقى حرّه... لأنّه الحرّ مابيموت.. مي سكاف حرة".
