عمرو سعد يوجه رسالة مؤثرة لـ«ماما ماجي»
نشر النجم عمرو سعد صورة له مع ماجى جبران أو كما يطلق عليها "ماما ماجى" أو "الأم تريزا المصرية" عبر حسابه على موقع إنستجرام.
ووجه "سعد" رسالة قال فيها: "ماما ماجي جبران الست اللي زي الملاك دي وهبت نفسها للناس الغلابة في مكان الناس كلها مهما كانت الفروق بينهم لأنها مؤمنة أن ربنا خلق الإنسان من غير اَي يافطة أو عنوان وان كل الطرق اللي توصل لله صالحة طالما بتوصل للحق والخير".
وتابع: "الست دي ضحت عن طيب خاطر بكل شئ علشان الناس الغرب والقرب لأنها متأكدة أننا كلنا من نفس واحدة علشان كده مش غريب أنها تترشح لجائزة نوبل أكثر من مرة وهتاخدها إن شاء الله بس الأهم من ده كله أنها كانت جارتي في البيت القديم".
يذكر أن ماجى بدأت نشاطها في خدمة الفقراء وخاصة الأطفال، عبر مؤسسة "ستيفنز شايلدرين" وشجعت كثيرين على الانضمام إليها في تلبية احتياجات الأسر الفقيرة وفازت بجائزة صناع الأمل في الوطن العربى بجانب ترشيحها أكثر من مرة لجائزة نوبل.
