فيفى عبده: «الفئران أكلت فلوسى وطلبت الطلاق من أحد أزواجي بسبب نمر»
قالت الراقصة فيفى عبده، «كل أزواجى هم اللى اختارونى وفخر لى أن يكون أزواجى مليونيرات، وأنا واضحة زى اليوم الواضح ومفيش على راسى بطحة».
وأضافت خلال برنامج «شيخ الحارة» المذاع على فضائية «القاهرة والناس»: «أحد أزواجى أحضر لى نمرا في الشقة، أثناء إحدى زياراتنا لأوغندا، علشان يعمل فيا مقلب وطلبت منه الطلاق وفعلا تم الطلاق، وطليقى ده كان بيجرى ورايا بالمسدس علشان يهددنى لكى أتراجع عن طلب الطلاق، وبعد طلاقى عرفت أن النمر أكل حارس العقار».
وأوضحت: «أنا بتجوز على طول بدون فترة خطوبة لأنى مبحبش فترة الخطوبة لأنى بعتبرها فترة مزيفة، وابنتى تزوجت بهذه الطريقة».
وأكدت: «أؤمن بالحسد علشان كدة دايما لابسة خرزة زرقا، ومش محتاجة خرزة أنا عايزة هرم يمشى جنبى»، موضحة «في بداية حياتى أخفيت فلوسى في البيت وجوزى قال لى: ليه مش تحطيهم في البنك، فروحت أجيب الفلوس لاقيت الفئران أكلتها».
