5 رسائل من السيسي لأسر الشهداء
احتفل الرئيس عبد الفتاح السيسي، مع أبناء أسر شهداء القوات المسلحة والشرطة بعيد الفطر المبارك، داخل مركز المنارة بالتجمع الخامس.
وهنأ الرئيس عبد الفتاح السيسي، أبناء الشهداء من الجيش والشرطة وأسرهم بحلول عيد الفطر، مؤكدا عدم تخليه عن أبناء وبنات شهداء ومصابي مصر.
وقال الرئيس السيسي، خلال كلمته التي وجهها لأسر الشهداء في احتفالية عيد الفطر المبارك بمركز المنارة للمؤتمرات: "كل سنة وأنتم طيبين جميعًا واسمحوا لي أن أشكركم لأنكم موجودين معانا النهاردة".
وأضاف الرئيس في كلمته: "بشكركم مش باسمي بس، لكن باسم كل مصري، مش عايز أقول كلام صعب في اليوم ده، لكن عايز أقول إن الشهداء والمصابين قدموا أرواحهم علشان إحنا نعيش.. اوعوا تفتكروا إن التمن ده بسيط لأ والله، لما يبقى فيه 100 مليون في أمان وسلام لأجل خاطر أبناء وأزواج يقدمون أرواحهم.. ده أمر ربنا وحده اللي هيكافئ عليه".
وتابع الرئيس: "كل سنة وأنتم طيبين، وجودنا دلوقتي رسالة لينا كلنا وللشعب المصري كله، وكل مواطن يعرف أن في اليوم ده لا يمكن أبدًا لا هننسي ولا هنتخلى عنكم، ده كلام مش بنقوله علشان إحنا مع بعض، لا هننسى ولا هنتخلى عن أبناء وبنات مصر الشهداء والمصابين، وهتجدونا دائما موجودين، وأتمنى أن إحنا نكون أدخلنا جزءًا يسيرًا من البهجة والسعادة عليكم كلكم وولادي الصغيرين وأحفادي، كل سنة وأنتم طيبين وعيد سعيد عليكم".
وأدى الرئيس عبد الفتاح السيسي صباح اليوم الجمعة صلاة عيد الفطر المبارك بمسجد المشير طنطاوي بالتجمع الخامس، بحضور الدكتور مصطفى مدبولي، رئيس الوزراء والفريق محمد زكي وزير الدفاع والدكتور علي عبد العال رئيس مجلس النواب، والدكتور أسامة الأزهري، المستشار الديني لرئيس الجمهورية، الذي أم وخطب خطبة صلاة العيد، وعدد من كبار قيادات الدولة.
