أهالي شارع إبراهيم الدسوقي يستغيثون بمحافظ الجيزة بسبب انقطاع المياه

تقدم سكان شارع إبراهيم الدسوقي المتفرع من شارع محمود القط بحي الهرم، باستغاثة إلى اللواء محمد كمال الدالي محافظ الجيزة، بسبب الانقطاع المتواصل للمياه.

وقال أحد سكان الشارع لـ"فيتو": "مفيش عندنا مياه وبقالنا 6 أيام المياه منقطعة بشكل متواصل، وعندنا أطفال مش لاقيين مياه وبنشتري المياه علشان نشرب أطفالنا الصغار.. يرضي مين ده؟.. نصف منطقة بأكملها المياه منقطعة عنها 6 أيام متواصلة، ومش بتيجي حتى ساعة والدنيا صيام ودخلة عيد والناس زهقت خلاص وأطفالنا هيموتوا من قلة المياه".

وأضافت إحدى القاطنات بالشارع: "فيه ناس متقدرش تشتري المياه حتى السوبر ماركت لا يوجد به زجاجات مياه من ضغط الأهالي نعمل إيه حرام والله اللي إحنا فيه هاتوها حتى لو ساعة وأرحمونا 6 أيام كتير حرام والله الناس متبهدلة والمتسبب في الموضوع دة ياريت يتشال لأنه مش قد المسئولية.. الرحمة يا محافظ الجيزة".