شذى عن علاقة عمرو دياب بـ«دينا الشربيني»: «كل حاجة هتبان ومن حقه يتبسط»
أعربت الفنانة شذى عن أمنيتها في أن تصل لنجومية الفنان عمرو دياب، متابعة «أنا بحب الهضبة ودائما أناديه باسم الهضبة لأنه أكبر من أناديه باسمه، وله مواقف إنسانية معايا كثيرة وصديقى جدا».
وأضافت خلال لقائها ببرنامج «عقارب الساعة» تقديم الإعلامية دعاء صلاح والمذاع على فضائية «النهار»: «عمرو دياب كان دائما يقول لى: متتبسطيش بالنجاح».
وعن شائعة ارتباط الهضبة بدينا الشربيني، قالت: «كل حاجة هتبان مع الوقت بس لو فيه حاجة رسمى الهضبة هيطلع يتكلم ويقول».
وأردفت: «اللى أعرفه أن عمرو دياب شخص محترم جدا ويستاهل أنه يتبسط لأنه أكتر واحد في اللي حواليه متبسطش».
