نجوم الفن يحتفلون بعيد ميلاد جورج سيدهم (صور)
نشرت الفنانة دنيا سمير غانم، صورا من احتفال عيد ميلاد الفنان جورج سيدهم، وسط كوكبة من ألمع النجوم منهم الفنانة نادية لطفى ودلال عبد العزيز وإلهام شاهين.
وعلقت دنيا، عبر حسابها على موقع الصور الشهير إنستجرام، قائلة: "كل سنة وحضرتك طيب يا أحلى أونكل جورج في الدنيا وربنا يخليك لينا ويديلك الصحة جورج سيدهم".
وأضافت موجهة الشكر لنادية لطفي: "أنا بالصورة دي دخلت التاريخ، شرف لي اهتمامك بدعوتي لحضور عيد ميلاد الغالي أنكل جورج ومش جديد عليكي كل لفتاتك الحنينة والمُفرحة لكل اللي حواليكي ربنا يديك الصحة ونشوفك دايما متألقة بجمال روحك".
ونشرت دنيا صورة أخرى وعلقت قائلة: "صورة تانية أدخل بيها التاريخ لسببين، الأول إني واقفة في وسط عمالقة، أجمل فنانات الزمن الجميل نادية لطفى اللي ماقدرش أنكر تشجيعها لي من أول ما عملت فيلم الفرح والفنانة إلهام شاهين اللي كنت كل ما أروح أتفرج على مسرحيتها مع بابي بهلول في إسطنبول أقف أقلِّدها من الكواليس أنا وإيمي وأنا من المعجبات بفنها وشخصيتها الصريحة جدا والفنانة دلال عبد العزيزاللي يا ريت أبقي رُبعها في أي حاجة سواء جمالها أو عبقريتها في التمثيل، أما السبب التاني فهو إن كلنا في الصورة دي بيجمعنا نفس البرج، برج الجدى".
