تامر حسني لمحمد صلاح: «هتكمل حلم حياتك وحياة المصريين»
عبر النجم تامر حسني عن حزنه لإصابة محمد صلاح لاعب نادي ليفربول ومنتخبنا الوطني بعد تدخل قوي من راموس لاعب ريـال مدريد في نهائي دوري الأبطال الأوروبي، نتج عنه كدمة شديدة في الكتف غادر على إثرها صلاح ملعب المباراة في الشوط الأول.
ونشر تامر عبر صفحته الشخصية على موقع التواصل الاجتماعي "فيس بوك" صورة نظرة كريستيانو رونالدو لاعب ريـال مدريد لصلاح قبل المباراة وعلق عليها ساخرا «الصورة دي خير دليل على طهارة حب الطفل ونظرته لمحمد صلاح، أما عن نظرة كريستيانو ما شاء الله على الحب الصافي اللي ظاهر منه لصلاح».
وأضاف: «اللي يركز في الصورة يحلل حاجة مهمة جدًا أن الشخص المنظور إليه من كل الأطراف هو صلاح عشان هو فعلًا محط أنظار العالم وفي ناس مش مبسوطة من الموضوع ده وعندهم حقد غريب على الراجل ده.. دعواتكم يا جماعة ليه ولازم كلنا نكون في ضهر الراجل ده اللي مشرفنا ورافع رأسنا أكتر من الأول بكتير رغم أنف الناس الغيرانة والحاقدة اللي ظهروا لنا في المقدر جديد».
وتابع: «اللي لسه هيطلعوا يتاجروا في قصة علاجه إن شاء الله هيلعب وهو مش محتاج حاجة من حد غير دعواتنا وهيكمل حلم حياته وحلم كل المصريين والعرب ألف سلامة عليك يا صلاح، ربنا الأقوى من الكل.. معاك يا بطل ماتخافش».
