الشيخ «بعجر»: «الكعك زعلان مننا وحلف ما يدخل عندنا»

في مجلة البعكوكة عام 1949 نشرت مجموعة من الأشعار الخاصة بكعك العيد، منها قصيدة للشيخ بعجر، تقول:

«قولوا لمأذون البلد.. ييجي يطلق زوجتي
ويريح ابني اللي اتولد.. من خلقة أمه وخلقتي
قولو له أسباب الخناق.. كحكاية ناعمة مسكرة
لو مش حايسمح بالطلاق.. في البيت حاتحصل مجزرة
الكحك زعلان مننا.. وحلف ما يدخل عندنا
والقرش في حينا ابتعد..قولوا لمأذون البلد
قولوا لها تمشي من هنا.. وتشيل عزالها بالعجل
أحسن وديني وربنا..افتح لها دماغها بزجل

الفقر سكن عشنا.. والسعد خاف من وشنا
يا مغرورين في كحككم..الدنيا فايتة ومتعبة
ادونا صاج من عندكم.. أو شمموها غريبة
بسكويت ماجيبناش السنة.. والاشيا فالصو وعكننة
وحشتنا من أول عدد.. قولوا لمأذون البلد

وقال شاعر آخر:
يا ميت ندامة على اللي حب ولا طالشي
حتحب أكلة كباب.. وحاترسى على طرشي
جاى لك طبق كحك بالسكر ومنه بالكوم
ولما حاتمد ايدك.. تلتقيه مرسوم
وبالامارة اتعمل في ورشة نجار
الكحك لو غاب حاتعمل ايه بشطارتك
البخت بيقول حاتلطش كحكة من جارتك
بيتكم منور وسامع كل يوم زغاريد
باين عليكم السنة دي عملتوا كعك العيد.