عمرو سعد بعد تأجيل عرض مسلسله: «الظاهر إني أضرب عليا نار»
عبر الفنان عمرو سعد عن حزنه بعد خروج مسلسله «بركة» من السباق الرمضاني، بعد أن انتهي من تصوير جزء كبير من مشاهده بالعمل.
ونشر عمرو عبر صفحته الشخصية على موقع الصور الشهير "إنستجرام" صورة من كواليس المسلسل، وعلق عليها قائلًا «كان نفسي أكون معاكم في رمضان السنة دي....بس الظاهر أني أضرب عليا نار بس أنا عاوز أقولكم إن اللي بيعيش في القلوب مايموتش أبدا... وبركة زي الدهب قيمته فيه وراجع بحجم الحب والثقة والاحترام المتبادل وقريب هأقولكم على كل التفاصيل علشان الكلام كتير والإشاعات اكتر».
وأضاف «أنا عمري ما تاجرت بمعاناة وإلا اتكلمت عن نجاح ولا تباهيت بشهرة لأني مؤمن من أول يوم طلعت على أفيش أول أفلامي أن بطل الناس واحد منهم ودعيت ساعتها ربنا أني ما اتغيرش وأظن ربنا استجاب علشان أفضل طول عمري شايف بعيونكم وحاسس زيكم...أنتم تاجي وأهلي وعزوتي وناسي وحمايتي ضد اأي قوة بتفكر توقفني... الصدق بيوصل والأفضل بيعيش ويستمر ويلاطم الزمن بكل بلاويه...الحمد لله على كل شيء والشكر ليكم وكل سنة وأنتم طيبين».
