سما المصري عن حجاب فيفي عبده: «لو أنا كان اتنصب لي سيرك»
علقت الفنانة الاستعراضية سما المصري على أحدث جلسة تصوير للفنانة فيفي عبده وذلك عبر حسابها على موقع "إنستجرام" قائلة "دي فيفي عبده بالحجاب أو إيشارب على راسها شايفين سامعين ولا عاملين مغفلين إيه رأيكم؟ طبعا لو كانت دي سما المصري اللي لابسة حجاب كده على فستان زي ده كانت الحفلة والسيرك اتنصب لي من بدري".
وأضافت: "دا مجرد برومو شفتوه وحاطة طرحة على شعري هتتجننوا من ساعتها مع أني كنت لابسة مقفول وباتكلم بحشمة ووقار عرفتوا أننا شعب فاضي ونصه أفاق وبـ١٠٠ وش مانشوف أنا بس اللي بيتنصب ليا سيرك وبتظيتوا في الزيطة ولا أنا اللي بنت البطة السودة والله إحنا شعب هراي وزياط وبنيجي في التافة ونتصدر إيه رأيكم بأه ولا أنا بس اللي حراقة بزيادة لناس كتير ولا إيه مش فاهمة".
وكانت فيفي عبده خضعت مؤخرًا لجلسة تصوير جديدة وأثارت الجدل نظرًا لظهورها بحجاب على فستان مكشوف.
يذكر أن فيفي تعاقدت مؤخرا على برنامج «لمة العيلة» المقرر تقديمه على شاشة قناة «النهار»، وكان مرتقبا عرضه خلال شهر رمضان إلا أن القناة أعلنت تأجيل عرضه إلى بعد رمضان.
