الشحرورة تدعو لترشيد الاستهلاك في رمضان والمهندس يرفض

الراجل ده حايجنني..أغنية رمضانية كتبها الشاعر الغنائي حسين السيد، وغنتها الشحرورة صباح في دويتو مع الفنان الكوميدي فؤاد المهندس، ومن ألحان محمد الموجي.

وتمثل الأغنية دعوة إلى الاعتدال في الطعام وعدم التبذير، وأخرجها بشكل كوميدى المخرج التليفزيوني محمد سالم عام 1961 في بداية ظهور التليفزيون.

تقول كلمات الأغنية واسمها (رمضان قال أحمدوه):
الراجل ده حايجننني..حايجنني..طير مفاتيح عقلي مني حايجنني
ييجي رمضان وجنانه يزيد..عاوز طباخة سكة حديد
ييجى من العصر للمغرب وحريقة تطير
ويخش المطبخ ويقوم زعابيب أمشير
اللحمة تلات اشكال..وطيور بجنيه وريـال
ويوماتي رز ومكرونة.. وكنافة باللوز وعلبة تونة
غير السلطات والمحشيات والمشويات والحلويات
وإن قلت ياخويا الأكل كتير..وبلاش بعزقة وبلاش تبذير
يصرخ ويقول: ياخواتي صايم وراجل شقيان
..ومراتي عاوزة تجوعني حتى في رمضان..دي مصيبة ايه دي

عملتلنا وزة بالخلطة..وبفتيك وصينية مكرونة
طب فين اللحمة المشوية..والفتة فين والتقلية

ياعالم فهموه رمضان ماعمروش قال كده
رمضان قال أحمدوه والحمد مش بالشكل ده
الراجل ده حايجنني..حايجنني.