رامي صبري يخرج عن صمته: «بمسح من حياتي الناس الكدابين»
![فيتو](images/no.jpg)
يبدو أن الفترة الصعبة الذي قضاها الفنان رامي صبري في السجن، كشفت له حقيقة بعض الأشخاص المقربين منه، الذي أكد أنهم كانوا لا يتمنون الخير له طوال علاقته بهم.
وخرج رامي عن صمته بتعليق نشره عبر حسابه الرسمي بموقع «إنستجرام» موضحًا أسباب طرحه أغنية «الناس بتبان في وقت الشدة»، قائلًا «دي مش أغنية بس، ده موقف حصل معايا والموقف ده خلاني شفت ناس مش كتير الحقيقة بطريقة مختلفة خلاني شفت أن كل حد بتعرفه في الحياة هو اللي بيختار أنه يعيش معاك أو علاقته بيك تبقى قد إيه بتصرفاته معاك، يعني هو اللي بيخليك تطول علاقتك بيه أو تصغرها».
وأضاف صبري «وفِي وقت لما يحصلك مشكلة في حياتك هو بيعتقد إنك مش هتخرج من مشكلتك وخلاص كده أنت مش هترجع تاني هنا بقى بتبان كل حاجة.. بيبان الصاحب اللي مش بيشوف أنك مش هترجع تاني وبتبان الناس كلها على حقيقتها وبتشوف كل الناس بجد ساعتها المشكلة اللي يتبقى فيها بتهون عشان بتحس أن ربنا وراك حاجات عمرك ما كنت هتشوفها إلا لو كانت حصلتلك أزمة في حياتك بجميع أنواعها بقى».
وتابع :«عشان كده لازم نقول الحمد لله على اللي ربنا كتبهولنا ومنعترضتش على أي حاجة بتحصلنا، وفالآخر بقول فالأغنية (أنا اللي حصلي علمني مابصش على اللي راح مني وعزة نفسي قوتني مكسرتنيش أنا أبقي على اللي يستاهل مش اللي يبعني بالساهل بشوفهم عادي وأتجاهل ما يلزمونيش وأنا بمسح من حياتي اللي ما بين البنيين وبشيل من ذكرياتي الناس الكدابين».