جمهور منير يطالبه بفسخ التعاقد مع "فودافون"
طالب مجموعة من جمهور الفنان محمد منير بفسخ تعاقده مع شركة "فودافون"، الراعى الرسمى لحفلاته، بسبب ما حدث أمس من اشتباكات وسوء تنظيم.
وكتبوا على صفحتهم الرسمية بـ "فيس بوك": "رساله إلى منير: ياريت تكون دى آخر حفلاتك مع فودافون وتفسخ عقدك معاهم لأن كان فيه سوء تنظيم بطريقة صعبة.. ومكانش فيه حراسة أو كانت الحراسة مشددة فى منصة الـ V.I.P بس .. دآا غير انك شوفت بنفسك الناس بتضرب فى بعض وكل شوية 5,6 يقعوا كل دا بسبب غباء فودافون دا غير برضه إنه كان فى أشكال وسخة وعيال زبالة، دخلوا من على السور".
وأضافوا: "كان فى تيكيتات مضروبة يا كينج بتتباع قدام باب القرية اللى أساسا ما تليقش انها يتعمل فيها كرنفال شعبى، الناس دخلت بالتيكيتات عادى جدا، دا غير ان محدش أصلا نص الناس دخلوا دون تيكت وانا كان معايا تيكت و اهو لسه معايا لإن محدش طلبه وانا داخل القرية.
واستطردوا: "دا مش جمهورك يا كينج فودافون هى السبب فى اللى حصل كله لإن بسوء تنظيمها دخل ناس زباله تقرف.. غير أن القرية المعفنة دى مكانش فيها مكان العربيات ولا الباصات تركن فيه وقفلوا الطريق السريع الرايح والجاى.. وطريق السويس فضل مقفول للساعة 5 صباحا مع العلم إنك مخلص الحفلة الساعة 12 صباحا".
