الخطيب في 111 سنة أهلي: «جيل بيسلم جيل راية العزة والكرامة» (فيديو)

قال محمود الخطيب، رئيس النادي الأهلي، اليوم الثلاثاء، كلمة خاصة في الاحتفالية الخاصة بمناسبة مرور 111 سنة على تأسيس القلعة الحمراء.

حيث قال بيبو في كلمته التي أذاعتها قناة النادي الأهلي: " كل عام وجماهير وأعضاء النادي الأهلي بخير، وذلك بمناسبة مرور 111 سنة على بدء الحاجة اللى بتجمعنا كلنا وبتخلينا بنفخر بها دائمًا زي النهارده بدأت الحكاية من 111 سنة".

وأضاف: "كل جيل بيسلم جيل راية العزة والكرامة وده اللى بيميز الأهلي بخلاف بطولاته، وكيان الأهلي بيعيش جواك وبيديك طاقة فوق الوصف وهو ده سر الأهلي خلال 111 سنة".

وتابع: "كل سنه وانتوا طيبين وحراسه وصوته وفرحته، وشكرًا لكل رموز الأهلي وإداراته على مدار التاريخ الذي لن ينسى ما قدمتوه".

وأشار: "لكل رجال الأهلي وسيداته في كل الألعاب، كل سنة وانتوا على منصات التتويج ترفعوا اسم الأهلي وتكتبوا التاريخ بكل نقطة عرق، ولكل أعضاء الأهلي كل يوم وأنتم متجمعين على حب النادي اللى بيفخر بيكم زى ما أنتم بتفخروا به، وكل سنة وانتوا طيبين ومتجمعين في حب مصر بيتنا الكبير، الأهلي بالجميع هيفضل فوق الجميع".

واختتم بالقول: "أحب أطمن جمهور الأهلي إنى بخير وسعيد جدًا بمشاعركم وكانت السبب في جعل الأمل لدى أقوى من الألم".