تامر حسني عن اعتزال حسام غالي: «عشان النفوس الشريرة ترتاح»
أكد الفنان تامر حسني، أن اعتزال حسام غالي، كابتن فريق النادي الأهلي، جاء بسبب بعض الضغوط التي تعرض لها الفترة الماضية، وهو ما ظهر عليه عقب بكائه.
وقال «تامر» عبر حسابه الرسمي على موقع التواصل الاجتماعي «فيس بوك»: «تحليل شخصي مش أكتر، وأتمنى يطلع غلط، بس واثق إنه صح، اللي يقرأ بين السطور ويركز في كلمة هنا عايز يرتاح وتحديدًا كلمة "مش قادر"، يلاقي إن الراجل ده بيبكي من الضغوط والحروب النفسية اللي اتعرض ليها في حياته، رغم إنه بالفعل من أحسن وأرقى لاعبي مصر، بيبكي وبياخد قرار ينهي بيه حياته الكروية؛ بسبب (طاقة سلبية) خرجت من نفوس شريرة مريضة، تملكت منه، وسيطرت عليه، بخلاف اللي بينصح بمحبة، فهو مشكور في الحقيقة، يا حسام إنت فعلًا تقدر تكمل بس».
وتابع «تامر»: «أنا مش ضد القرار؛ لأن اعتزالك وإنت في قمتك، هيخلد اسمك، أنا بس كان نفسي تاخد القرار من غير أي تأثير سلبي عليك، عشان كان لازم تكسب المعركة دي، عشان الأجيال الجاية تتعلم منك ميستسلموش لأي طاقة سلبية، عمومًا ربنا يكون في عونك، وإنت أدرى من أي شخص بحالك، وإن شاء الله ربنا يكتب الصالح ليك، وهتوحشنا في الملاعب يا بطل. وأتمنى إنك تعمل ماتش اعتزال تاني في مصر، عشان محبينك الكتااااار اللي مش هيقدروا يسافروا».
