أديب عن هدف محمد صلاح في مرمى سيتي: «الراجل ده أمه راضية عنه»
علق الإعلامي عمرو أديب، على هدف محمد صلاح لاعب منتخبنا الوطني وفريق ليفربول في مرمى مانشستر سيتي، قائلا: «محمد صلاح مؤثر في كل حاجة، ومؤثر في التوك شو، ومحدش يعمل أي حاجة طول ما محمد صلاح بيلعب».
وقال خلال برنامج «كل يوم» المذاع على فضائية «أون إي»: «صلاح لا يقارن، نقطة ومن أول السطر.. واكتب يا تاريخ.. وربنا يحفظك من العين».
وأضاف: «كده خلاص.. مصر مبقاش وراها حاجة غير محمد صلاح، وبقينا نسمع صيحات المصريين في البيوت والشوارع لما صلاح بيجيب جون، وأي حاجة تانية مبقاش لها معنى.. دي دعوة أمك يا بني.. الراجل ده أمه راضية عنه».
