محمد فتحي زيدان يكتب: عن الشهيد

وعشان عيونك أنا هاضحى بكل شيء غالي.
هاضحى بدمي وروحي وحتى بعيالي.
ما أنا ابن بطنك يا بلدي يا أم الجبين عالي.
يا أرض الكنانة يا طاهرة مذكورة في القرآن وعنك رسول الله وصاني.
أنا ما استهلش أعيش لحظة وأنا شايف دموع بتجري على خدودك
وأنت بتبكي من الحسرة على ولادك وعلى جنودك
اللي ضحوا بأروحهم عشان تبقى عشان تعلي يا بلادي.
أنا ما استهلش أعيش لحظة وأنا شايف الحسرة في عنيكي
على اللي عاشوا في أراضيكي وتربو في خيرك وخانوكي
وباعوكي بخسة ولسه عايزين تاني يهدوكي.
مش اللي علمتيني ماعش جبان وأكون إنسان ومهربش من الميدان
مش اللي علمتيني إزاي أرسم بالألوان علم ونشيد ووطن إيد في الايد
وقولتيلي لو مت عشان وطنك هتبقى شهيد.
مش هي دي تعاليمك ووصاياكي.
طب ليه بتبكي بقا وأنت يا بلدي ولااده وطرحه رجالة بزيادة
ورب العرش حاميكي.
طب ليه بتبكي وأنا جنبك ومدفون هنا في حضنك واخواتي هناك على الجبهة
واقفة حرساكي.
حالفين بالله ليخدوا التار ليل ونهار م اللي خانوكي.
بس انا عايزك تسمحيني وتدعيلي أني أكون في الجنة مع الابرار وتفتكريش أنا ميت لا أنا حي وفرحان بالاستشهاد في سبيل الله وبكره ولادي هيفتخرو بيه
وعسان عيونك أنا هاغني أغنية بلادي بلادي لكي حبي وفؤْدي.
عاشق تراب الوطن
خالص العزاء أهالي كفر الأطرش ومواساتهم في فقيدهم الشهيد جندي القوات المسلحة محمد علاء زكي أبو حجازي الذكراوي الذي استشهد فجر اليوم بشمال سيناء اللهم اغفر له وارحمه واسكنه الفردوس الأعلى وألهم أهله الصبر والسلوان..