مرتضى منصور يهاجم عدلي القيعي على الهواء: اخرس (فيديو)
هاجم المستشار مرتضى منصور رئيس نادي الزمالك، عدلي القيعي، مدير التعاقدات في نادي الأهلي على خلفية التصريحات التي قال فيها:« إن الذي يردد نغمة الكفيل يلهث خلفه، ويمنحه الأموال، ونادي الزمالك دفع أموال عبدالله السعيد من الكفيل والمحبين واشتراكات النادي وغيرها من الموارد».
وقال مرتضى ردًا على القيعي: «اللى بيلهث يا عدلي القيعي بيبقى الكلب، وأنت عارف أن (....) اللي عندك اللى أخد من تركي آل شيخ 250 مليون جنيه».
وأضاف في مداخلة هاتفية لبرنامج «ملعب الشريف» المذاع على فضائية «ltc»: «يا عدلي القيعي لما تتكلم عن مرتضى منصور اتكلم باحترام.. وأنا مش كلب، وأنا محترم عنك على الأقل أنا مشتغلتش في النادي وقبضت.. أنت اشتغلت وقبضت، وتعالى نسأل عمرو دياب ومحمد هنيدى وفريحة البستاني، كانوا بيعملوا إيه في مطعم بلكونة، واتحايلوا عليا أروح ورفضت.. وأنا لا ألهث وراء أحد.. اخرس».
وكان عدلي القيعي، مدير التعاقدات في نادي الأهلي، رد على تصريحات مرتضى منصور، التي اتهم فيها علاقة النادي الأهلي بتركي آل الشيخ، ووصفها بعلاقة الكفيل.
