اسما شريف منير تعلن انفصالها عن محمود حجازي
أعلنت اسما نجلة الفنان شريف منير، انفصالها رسميًا عن خطيبها الفنان محمود حجازي، وذلك خلال تدوينة طويلة كتبتها على صفحتها الشخصية بموقع التواصل الاجتماعي "فيس بوك".
وقالت "اسما" خلال التدوينة: "طيب الموضوع اتقال فيه كلام كتير، وأنا بعترف إني سبب اللخبطة دي، الرجالة مبتعملش الحاجات اللي إحنا كستات بنعملها، اللي هو أزعل انزل بوست ألقح بيه عليه قال يعني مش ليه وكل الرجالة بتكره الحركة دي وأنا بس دلوقتي بعترف إنهم عندهم حق، غير بقي إني بنسي موضوع الأخبار ده فالتلقيح أو كلام الزعل بالنسبة لي بينتشر، وكل حد بيقول رأيه بكل قسوة".
تابعت "اسما": "الموضوع فعلًا في الآخر اتنين حبوا بعض وارتبطوا قدام الناس كلها، ومشينا في مشوار خطوبتنا زي أي اتنين، كبرنا مع بعض وبِينَا حاجات كتير حلوة، وبرضه زي أي اتنين حصل بينهم مشكلات وطبعًا انتوا عارفين التسرع الله يخرب بيته فلما كان في عدم اتفاق من فترة نزلت بوست ومسحته علطول عشان كان وقت عصبية وكان لسه في أمل بس من ساعتها وفي توتر".
واصلت قائلة: "الناس قالت كلام كتير وحش وكملنا واكتشفنا أنه في عدم اتفاق مش عشان إن حد وحش ولا موقف ولا حاجة لحد ما أخدنا القرار بس مكناش اتفقنا على إعلان ده أمتي فأنا نزلت وأعلنت ده بس في توقيت غلط مني بكل صراحة أنا لازم أكون أمينة في ده".
واختتمت قائلة: "عمومًا هو محصلش نصيب بس إحنا بنحترم بعض، حجازي إنسان محترم جدًا وبتمنى له السعادة والنجاح إحنا بِنَا عشرة طيبة ونجاحات وحب وأكيد خير لينا، هو ده الموضوع بكل بساطة، ممكن بقي منتكلمش فيه تاني لو سمحتوا، أنا اتعلمت درس كبير إن الخصوصيات مش للنشر والحسد برضه مذكور في القرآن لسبب، الحمد لله بس كده".
