نشطاء يشعلون مواقع التواصل بعد وقف أوبر وكريم.. فوكس: وسيلة محترمة لغوها في يوم السعادة.. ثروت هما يقفوا والتكاتك لأ!.. فايزة: اسألوا الناس أولا.. المشاكس: كنت بتحايل على التاكسي يركبني

أثار قرار وقف نشاط شركتي النقل "أوبر وكريم"، لتشغيل السيارات ووقف تطبيقات الأبلكيشن والبرامج التي يستخدمونها، حالة من ردود الفعل الواسعة بين نشطاء مواقع التواصل الاجتماعي "فيس بوك وتويتر"، الذين عبروا عن رفضهم من وقف أوبر وكريم، فيما قال البعض إن القرار يصب في صالح سائقي التاكسي.

التوك توك
وعن هذا القرار قال فوكس ثروت "في #يوم_السعاده_العالمي يلغوا أوبر وكريم وسيلة النقل المحترمة بالتوقف لكن يلغو التكاتك لا طبعا".
وأضافت منى أمين "بلا منازع كنت أرى أن أنظف شيء في مصر شركة أوبر وكريم. فأوقفوهما لصالح الفساد والإهمال. إنهم يكيدون كيدا #غم غم غم".
وعلق حسن القاضي "يعني أوبر وكريم يتوقفوا وعبدالله السعيد لا!!!"
وردت فايزة فايرة "قبل أن تحكموا بوقف اوبر وكريم أسألوا الناس ليه هم مرتاحين معاهم لأن التاكسى الأبيض ميتقاول مع الناس ومش بيشغل العداد وسعره عالى".
وتابع المشاكس محمد "صدقيني يابنت جدي دا اللي هيحصل أقولك على الأكبر والوقت اللي كانت اوبر وكريم شغالين كنت اجي أوقف تاكسي شوية شوية أتحايل عليهم علشان يركبوني كل ما اقولهم رايح فين يرفضوا امال انت شغال ليه ".

شركة التاكسي الأبيض
وقال حمادة المصري "احسن خبر سمعته وقف اوبر وكريم ايًوه كده الناس الغلابه ترجع تشتغل بالتكاسي لأن الأغنية واللي عايزين دخل زياده رموهم الصراحه".

وأضاف رمزي مجموزي "طب ما التاكسي الأبيض يتعمل له شركه زي اوبر وكريم.. ليه محصلش ده!!!"

وعلقت سلمى "بالنسبه لقرار منع أوبر وكريم هما خدوا القرار دا ليه وع أي أساس ولو هو مثلا بتحصل بلاوي بسببهم كان الأولى يتحكموا فيها بدل ما يوقفوا رزق السواقين الغلابه إلى شغالين في أوبر وكريم حرام والله!"

ورد أبو طالب "أحلى حاجة في البلد في السنتين اللى فاتوا هي أوبر وكريم رغم بعض الهنات. أهم عاوزين يقفلوهم".

خسارة
وتابع محمد يحيي الديسطي "ايوا يا فندم دا قصدي انا بتكلم أن لازم شغل الشركات يبقي قانوني وبترخيص من الحكومة حتى لا يضار آلاف العاملين في أوبر وكريم لأنهم فاتحين بيوت وحاصلين على سيارات قسط ويتعرضون لمضايقات من المرور وسحب الرخص وإعادة الترخيص حقهم يتم تقنين عملهم وإن شاء الله سيتم تقنين عمل أوبر وكريم دون إضرار بأي شخص في المنظومة".

وقال محمد محمود "في كل الأحوال اوبر وكريم معدوش بالمستوى اللى بدءوا بيه وبَقى فيه سواقين بتتعامل بمزاجها وبفيزيتا خاصة بيها وإن كان عاجب وبياخدوا مشاوير بمقاولة من الباطن من خلال التطبيق".