ساخرون.. وزير التعليم: «السنة الجاية» لازم نضيف «الرقص الشرقي» لمواد النجاح والرسوب
علمت وكالة "هريدى نيوز" الإخبارية أن الدكتور "طارق شوقي" وزير التربية والتعليم، أصيب بحالة من الهياج، عقب واقعة الرقص الشرقي بمدرسة الليسيه الخاصة، وقرر معاقبة كل المسئولين بالمدرسة والإدارة التعليمية التي تتبعها.
صرح بذلك مصدر "فشار" غاوى تنكيت وهزار، وأضاف أن مدير المدرسة، قال للوزير: "طب ليه كده طاب" هو الرقص الشرقى عيب يعنى يا معالي الوزير ولا إيه.. ده حتى "فيفي عبده" حصلت على لقب الأم المثالية يا جدع.
الأمـر الذي جعل الوزير يقـول له: طب إذا كان كده بقى يبقى لازم نضيف الرقص الشرقى لمواد النجاح والرسوب، بداية من السنة الجاية.. ولا رأى معاليك إيه سيادتك!
